☆皮皮的大個仔見證 ~

Lilypie Kids Birthday tickers

2017年8月2日星期三

暑假好玩! @ 挪亞方舟「玩轉機械智激FUN」


暑假梗係要搵多些好玩活動比仔仔囡囡啦~

皮媽上星期帶左皮皮去馬灣挪亞方舟,今個暑假每逢星期五、六、日呢度都會有「玩轉機械智激FUN」活動

今次挪亞方舟大玩近期最HIT既STEM教育,包括Science科學、Technology 科技、Engineering工程、Art藝術 Math數學等五大範疇,仲有「親子智趣競技場」比爸爸媽媽和小朋友齊齊動動手腳,多元智能有野學之餘又有得跳跳紮,增加親子互動,皮皮好中意呀!

呢日足足玩左9個GAME(一共有十個玩唔哂),真係好開心,一齊睇下有咩玩啦~~~
 


「動能飛馳天地」

踏踏單車以能源推動小跑車,要快D呀!



 



 
「智能破案小偵探」

呢個GAME好好玩,首先比小朋友駕駛遙控車去找破案Key word,再逐步拆解謎團,家長都可以一齊幫手破案架!



 
搵到疑犯,小偵探解謎成功!



 
然後到大球場玩「親子智趣競技場」!

有成差不多十項活動,項項都好玩,真係唔夠時間玩咁多呀!~~~



 

皮皮好勁,下下中最細個Point!~~



 





 
咁多個game皮皮話「樂高動物大遷徒」最好玩,因為可以砌佢中意既LEGO!


 

加點創意,整架巨型拖卡車比挪亞方舟的動物坐啦!



 
「小紅帽智解迷宮」


 
同朋友仔合力智解迷宮好成功,好滿足呀!




「機智尋寶大發現」

 
皮皮係超級工程車迷~不停話好玩!我仲好欣賞佢既耐性,因為佢真係等左好耐好耐先玩到...... 工程車好受歡迎啊!


 
「機械當入樽」


 
好認真!皮媽覺得設計這個遊戲的機械設計師好厲害,皮皮不停研究佢既齒輪和機關!等你大個D再去學習點整啦!




 
「人生棋盤DIY」


 
呢個是比較靜態的活動,但皮皮也很投入,設計棋盤前導師說了一個故事,晚上皮皮睡前把這個故事從頭到尾跟我說一次,原來佢有聽架!哈哈~


 
皮皮好認真設計了自己的棋盤,晚上回家我地一家人一齊玩,真的很開心!



 
最後一個活動去左「太陽館」!~


 
「升級環保車工作坊」



 
自己DIY環保車,再同小朋友齊齊鬥車,好開心好好玩呀!



 
蓋滿4個印仔就可以換禮物,今日玩左9個遊戲真的大滿足呢!



 
晚上我們一家人更在挪亞方舟豐盛閣吃葡國風味海鮮自助晚餐~


 
坐下每人送一隻焗扇貝,好大粒好厚肉架!


 
食物種類多選擇,味道很好和食物很新鮮,很開心有長腳蟹啊!


 
仲有BBQ~好香噴噴!


 

值得一讚呢度有小朋友美食區,如果D枱就返小朋友高度,比小朋友自己可以夾到食物就好玩好多啦!



總結:
挪亞方舟「玩轉機械智激FUN」好好玩,皮皮好享受每個活動,可以砌佢最中意既積木,又可以到球場展身手,有得玩又有得跳,好滿足!

媽媽覺得呢個活動好啱小朋友玩,而家好興多元智能和STEM,從遊戲中學習係學得最吸收的!最抵係一個票價可以遊公園和玩各項活動,是暑假很好的親子活動~ 也讚讚這裡的導師,他們都很用心和有耐性地教小朋友玩遊戲,哥哥姐姐們都很好人啊!

最重要見個阿仔開心,我都好開心呢!



 
去片睇下當日活動啦!
 

「玩轉機械智激FUN
日期﹕由721日起至827日(逢星期五、六、日)
地點﹕香港新界馬灣珀欣路33

#挪亞方舟 #暑期活動 #玩轉機械智激FUN #親子






試用產品及產品說明由品牌提供。



關於daidai & pipi

博客:
Beauty Exchange .  she.com . elle . WeShare . ubeauty .  Miniwise

Instagram:daidaipipi

 

沒有留言:

發佈留言

LinkWithin

Related Posts with Thumbnails